Kaapstad Verander Area
  • Vandag

    17°C / 9°C

    Wind 50km/h

    Reënval 11.2mm

    Humiditeit 71%

  • Vrydag

    14°C / 9°C

    Wind 39km/h

    Reënval 23.9mm

    Humiditeit 71%

  • Saterdag

    14°C / 10°C

    Wind 31km/h

    Reënval 6.2mm

    Humiditeit 76%

  • Sondag

    17°C / 10°C

    Wind 19km/h

    Reënval 3.1mm

    Humiditeit 86%

  • Maandag

    18°C / 11°C

    Wind 20km/h

    Reënval 0.0mm

    Humiditeit 67%

  • Dinsdag

    21°C / 12°C

    Wind 12km/h

    Reënval 0.0mm

    Humiditeit 50%


Conspiracy of Clowns

Narre laat die planke dreun

Rob Murray en Liezl de Kock steek steeds vure aan

Mariana Malan
Woensdag 03 Julie 2013
Andrew Buckland en Liezl de Kock in Crazy in Love. Foto: CONSPIRACY OF CLOWNS

GRAHAMSTAD. – Die hansworse is steeds aan’t saamsweer. Nie meer in Kaapstad nie, maar lewendig en druk besig in Grahamstad.

Steeds as die kerngroep van Conspiracy of Clowns is dit Rob Murray en Liezl de Kock wat aan gehore wonderlike stukke gebring het soos Pictures of you, Kardiavãle en Benchmarks, laasgenoemde in samewerking met FTH:K.

Twee jaar gelede het Murray en De Kock Grahamstad toe gekom. Albei is verbonde aan die dramadepartement hier.

Op vanjaar se randfees is Crazy in Love een van hul stukke. Hulle het dit saam met Andrew Buckland geskryf en verwerk na ’n episode in John Irving se boek Until I find you. Buckland en De Kock is in die rolverdeling, Murray die regisseur.

In samewerking met Ubom! is die Wilde Weste- (of eerder Wilde Oos-Kaapse) stuk Hoss te sien.

Kaapse gehore mis die teenwoordigheid van De Kock en die kreatiewe werk van Murray in die Moederstad, maar die twee is besig om vure aan te steek in die dramadepartement op die Rhodes-kampus. Hulle bied byvoorbeeld saam ’n kursus vir derdejaarstudente aan in die gebruik van maskers, die gebruik van marionette en ongewone objekte op die verhoog.

“Toe ons so sewe, agt jaar gelede met maskers begin werk het, het mense gesê dit gaan nie werk nie. Maar nou raak die gebruik van maskers al hoe gewilder,” sê Murray.

Om sy geloof in hierdie toevoeging tot die teater te bewys, is hy nou besig met sy doktorsgraad waarin hy maskers, nie-verbale toneelspel en die gebruik van objekte op skrif stel. Hy verwys spesifiek na die werk wat FTH:k gedoen het.

Vanjaar word daar nie maskers in hul stuk op die fees gebruik nie.

“Vanjaar wou ek iets met teks doen,” verduidelik hy. “Conspiracy of Clowns beperk hom nie tot een styl nie.”

Verlede jaar, vertel hy, het die geselskap sowat 20 000 km afgelê en hul stukke na baie plattelandse dorpies geneem.

“So met die rondryery het ek die idee gekry van ’n stuk wat oor iemand gaan wat gedurig aan die beweeg is op soek na iets. Crazy in Love gaan oor ’n pa en sy dogter wat die land platry op soek na sy verlore liefde en haar ma. Die boek van Irving (Until I find you) het my geïnspireer om hierdie stuk te skryf.”

Die stuk wat tans op die fees te sien is, is sowat 20 keer verander.

“Ons moes besluit wat die beste einde sou wees. Moet een van die twee sterf? Moet albei sterf? Moet hulle die ma vind?”

Om te sien wat gebeur, sal Kaapse gehore tot volgende jaar moet wag. Hulle bring dan die stuk Kaapstad toe.

Intussen gaan De Kock binnekort na Frankryk waar die internasionale marionettefees (die Charleville-Mezieres- internasionale marionetteteater) gehou word. Sy gaan ook ’n internskap by die meester Phillippe Gentry doen. Hy is al 35 jaar besig om visuele en fisieke teater met marionette en dans te kombineer.



  • ‘Groot musici leer hulself’

  • ‘Want ons Kan’ help weer talle

  • Kellermann verlief op Serfontein se werk

  • Beeskraal herleef met Magaliesberg-musiek

  • Duo tree in die Endler op

  • Kunsgids : 24 Julie 2014

  • ​Chris Chameleon het nuwe album

  • 'Dis 'n helse jol' - Die Rocky Horror terug in Kaapstad

  • Jannie en Bert bring hulde aan Jules De Corte

  • Karakters altyd op reis

  • 5Maestros! maak buiging in Die Boer

  • Neil Young voer jou terug na ander era

  • T.T. Cloete lees eie werke voor

  • ‘Natuurlike’ uitstalling

  • Koningsberger in Baxter

  • Suid-Afrika se demokrasie in New York gevier

  • Darling vier weer fees in die ‘voorkamer’

  • Voormalige hoofdirigent oorlede

  • Kortprent van SA ryg benoemings in oorsee

  • Teatergids : 22 Julie 2014