Onnodige mastektomie laat hospitaal opdok

Los Angeles. – ’n Vrou wat ’n dubbele mastektomie ondergaan het en later ontdek het sy het nie borskanker gehad nie, gaan $198?000 (sowat R1,44?miljoen) ontvang in ’n skikking wat Dinsdag deur die stad se distriksraad van inspekteurs goedgekeur is.

Me. Ana Jimenez-Salgado het haar borste by die Los Angeles County-USC mediese sentrum laat verwyder nadat twee onafhanklike patoloë in Augustus 2007 bevind het sy het borskanker.

Sy het later rekonstruktiewe chirurgie ondergaan, waartydens dokters weefsel van dié prosedure ontleed het en bevind het dat sy nie borskanker gehad het nie.

Sy het ’n hofsaak aanhangig gemaak en beweer die hospitaal was agtelosig om slegs op die opinie van die onafhanklike patoloë staat te maak.

- Sapa - AP