Grace en Steger gee uitvoerings
2012-02-07 00:00
- Artikelopsies
- Deel
- Kry Die Burger op
Twee bekroonde musici, die blokfluitspeler Maurice Steger en die kitaarspeler James Grace, gaan vandeesmaand saam in ’n reeks konserte in die Kaap en Gauteng optree.
Steger en Grace sal musiek van Telemann, Bach, Corelli en Sammartini uitvoer in optredes op die Darling-musiekervaring, in die St. Andrew-kerk in Kaapstad en op die Johannesburgse internasionale Mozartfees.
Steger is ’n gebore Switser en word as een van die voorste blokfluitspelers ter wêreld beskou. Hy tree oor die wêreld heen op, en word ook as dirigent hoog aangeslaan.
Grace, ’n Suid-Afrikaner, is in 2010 op die Klein-Karoo Nasionale Kunstefees op Oudtshoorn met ’n Kanna-prys bekroon. Hy het aan die Royal College of Music in Londen gestudeer en was die eerste student in kitaar wat die kollege se Tagore-medalje gewen het. Steger en Grace speel op 11 en 12 Februarie in die Presbiteriaanse kerk in Darling, op 14 Februarie in die St. Andrew-kerk en op 16 Februarie by Villa Arcadia as deel van die Johannesburgse musiekfees.
Besoek www.prohelvetia.org. za, www.darlingmusic. org en www.join-mozart-festival.org om besonderhede.
- Die Burger