kweekhuisgas-vrystellling
2010-04-19 22:04
- Artikelopsies
- Deel
- Kry Die Burger op
Die Eyjafjallajökull-vulkaan in Ysland stel daagliks tussen 150 000 ton en 300 000 ton koolsuurgas vry. Hierdie syfer plaas hom in die liga van Europa se klein tot medium-ekonomieë, het kenners gister gesê.
Die kenners het erken dat die syfers slegs by benadering is.
- As die vrystellings oor ’n jaar geëkstrapoleer word, sal dit die vulkaan tussen die 47ste en die 75ste plek plaas op die wêreldlys van lande wat die meeste kweekhuisgas vrystel.
- ’n 47ste plek op die ranglys plaas dit bo Oostenryk, Belarus, Swede, Denemarke en Switserland volgens die lys wat met 2005 verband hou.
- Kenners het beklemtoon dat die vulkaan slegs ’n klein hoeveelheid – minder as een derde van ’n persentasiepunt – van die wêreldvrylating van kweekhuisgasse verteenwoordig.
- “Dit is nietig as die vergelyk word met die mensgemaakte bydrae,” het mnr. Kjetil Toerseth van die Noorweegste instituut van lugnavorsing gesê. Spesialiste sê mense moenie dink die uitbarsting is goed vir klimaatsverandering omdat dit vliegtuie op die grond hou nie.?