Swartmense kan nie swem nie, sê minister
2012-01-25 13:06
- Artikelopsies
- Deel
- Kry Die Burger op
JOHANNESBURG. - Die
minster van sport en ontspanning, Fikile Mbalula, het Dinsdag tydens ‘n
vergadering van hooggeplaasdes gesê sport moet voor die einde van die jaar
getransformeer wees, “behalwe miskien swem, want swart mense kan nie swem nie”.
Die vergadering is onder meer deur die adjunk-minister
van sport, Gert Oosthuizen, die uitvoerende hoof van MultiChoice, Imtiaz Patel,
die adjunk-president van die Suid-Afrikaanse Sokkervereniging, hoofman Mwelo
Nokonyana, en Absa se uitvoerende direkteur van bemarking en kommunikasie, Happy
Ntshingila, bygewoon.
Volgens die dagblad The New Age het Mbalula gesê die
regering gaan nie skroom om in te meng in die aktiwiteite van sportfederasies
wat nie daarin slaag om die tansformasieproses te bespoedig
nie.
Die koerant berig dit was Mbalula se “deursettingsvermoë
om korrupsie te beveg en transformasie te bespoedig” wat in sy toespraak voor
die uitgelese gehoor uitgestaan het.
“Ek wil hê krieket, rugby en elke ander sportsoort moet
teen die einde van die jaar getransformeer wees, behalwe miskien swem, want
swartmense kan nie swem nie,” het hy volgens The New Age gesê.
Die minister was veral ongelukkig met die vordering van
transformasie in rugbygeledere . Hy het ook die kwotastelsel die skuld gegee vir
die “verdieping van rasse-polarisasie” in die meeste
sportkodes.
Hy het gesê transformasie moet op skoolvlak al begin,
omdat dit saamgaan met ontwikkeling. “Kinders moet op sesjarige ouderdom al aan
sport op skool deelneem, want dit is te laat vir ‘n 20-jarige om op daardie
ouderdom ‘n sport aan te leer.”