'Malema uit konteks aangehaal' - sê ANC woordvoerder kort na sy in hegtenisname vir dronkbestuur

ANC woordvoerder Jackson Mthembu is vanoggendv ir dronkbestuur in hegtenis geneem, maar dit het hom nie gekeer
om sy werk te doen nie.

Mthembu, in 'n 21-minuute telefoniese onderhoud met Sapa, blykbaar terwyl hy in aanhouding was, het
jeugleier Julius Malema entoesiasties verdedig.

Volgens hom is die lirieke van die liedjie uit konteks aangehaal.

“Kom ons praat op ‘n gepaste wyse oor die saak. Moenie vir Julius blameer
nie. Eintlik sal ek hom op hierdie een verdedig,” het Jackson Mthembu,
woordvoerder vir die ANC, Donderdagoggend aan Sapa gesê.

“Hierdie liedjie is vir baie jare gesing, selfs voor Malema gebore is. Julius
weet nie eers wie die skrywer van die liedjie is nie. Hy het dit van
ons [die ANC] gekry. Julle moet die ANC blameer, moenie vir Julius
blameer nie.

“Maar as julle die ANC blameer, sit dit in konteks.”

Volgens Mthembu was dit ‘n ou struggle-liedjie wat Malema by sy ANC-kollegas geleer het.

Daar is baie liedjies in Suid-Afrika se geskiedenis wat mense kan te na
kom, het hy gesê. Hy het verwys na "liedjies oor generaals" - 'n
moontlike verwysing na die Afrikaanse trefferlied De la Rey.

Die liedjie wat Malema gesing het was nie daarop gemik om die boere aan te val nie, het Mthembu gesê.

“As jy nie na die liedjie in geheel kyk nie, verloor jy die betekenis,” het
hy gesê voordat hy dit oor die telefoon vir Sapa begin sing het.

“Die liedjie sê, ‘sommige mense is lafaards’, en dan word daar gesê ‘gebruik
jou geweer om te skiet’, want dit herinner aan oorlog,” het Mthembu
verduidelik.

"Dit verwys na alle mense wat lafaards is, insluitende swartmense wat lafaards is", het hy gesê, en losgetrek met  "kill the boers, they are rapists".


Mthembu is teen 8h vanoggend op die N2 naby Pinelands gevang en sou eers na middagete vrygelaat word.


Malema staar ‘n kriminele klag en ‘n klag van die Menseregtekommissie in die gesig nadat hy glo by die universiteit van Johannesburg "Dubula amabhunu baya raypha" (Zoeloe vir ‘skiet die boere, hulle is verkragters’) saam met ‘n groep studente gesing het.

- Sapa