Landsburgers kan president twiet
2012-02-06 01:35
- Artikelopsies
- Deel
- Kry Die Burger op
JOHANNESBURG. – Pres. Jacob Zuma sal voor sy staatsrede Donderdag sosiale medianetwerke soos Facebook en Twitter inspan om na Suid-Afrikaners se probleme te luister.
Dit volg na Zuma verlede jaar Facebook glo suksesvol gebruik het om landsburgers aan te moedig om direk met hom te praat oor behoeftes in hul gemeenskappe.
Me. Bongokuhle Miya van die Oos-Kaap se Umzimkhulu-gebied het Facebook gebruik om die president van probleme met riool, vloedwater en rondloperdiere in haar gemeenskap te vertel.
Volgens die presidensie is die rioolstelsel herstel, die paaie is verander om vloede te weerstaan en ’n skut is gebou.
Stuur jou boodskap vir pres. Zuma per e-pos aan president@po.gov.za of besoek die Facebook-blad PresidencyZA of die Twitter-rekening @SAPresident.– Sapa
- Die Burger