Laat gras onder jou voete groei met dié plakkies
2012-02-04 03:00
- Artikelopsies
- Deel
- Kry Die Burger op
JOHANNESBURG. – ’n Australiese skoenvervaardiger het met die idee vorendag gekom van plakkies wat dit laat voel of jy op ’n grasperk stap.
“Hou jy van die gevoel van varsgesnyde gras onder jou voete? Nou kan jy dié gevoel kry waar ook al jy loop,” lui die advertensie op Kusa Shoes se webtuiste.
Dit word van sintetiese gras gemaak wat volgens die webwerf soos regte gras lyk en voel. Dit is beskikbaar vir mans en vroue.
Die vervaardiger het gister bevestig dat hulle ook skoene na Suid-Afrika uitvoer. ’n Paar van dié skoene gaan ’n mens sowat A$29,95 (sowat R245) uit die sak jaag. Die versendingskoste is ’n ekstra A$11 (sowat R90).
Op www.kusashoes.com word mense ook aangeraai om die gras op die skoene nou en dan ’n bietjie reg te vee as dit te platgetrap raak en om dit asseblief tog nie te sny nie.
- Die Burger