Kadalie vies oor ‘vuil politiek' by Maties
2010-03-04 02:22
- Artikelopsies
- Deel
- Kry Die Burger op
Stellenbosch
Humeure loop al klaar hoog in die verkiesing van raadslede vir die Universiteit Stellenbosch (US).
Die Burger het gister berig oor twee groepe wat spesifieke kandidate steun en ’n verkiesingsveldtog onder meer per e-pos loods.
Dr. Rhoda Kadalie, een van die 15 kandidate wat benoem is om in die konvokasie van die US-raad te dien, was hoogs ontsteld omdat sy gekoppel word aan ’n spesifieke groep.
Dié groep – onder aanvoering van proff. Hermann Giliomee, Lina Spies, dr. Marié Heese en mnr. Jacko Maree – lys Kadalie met prof. Wannie Carstens, dr. George du Toit en adv. Jan Heunis as een van hul konvokasiekandidate. Mnr. George Steyn is hul kandidaat vir die donateursafdeling.
Dié groep het gesê: “Die huidige (wan)toepassing van die taalbeleid moet gestuit word.”
Die ander groep, onder die vaandel van “Matiekieser”, het volgens hul woordvoerder, dr. Edwin Hertzog. ontstaan op versoek van die universiteitsgemeenskap. Saam met hom beywer mnre. Desmond Smith en Gerhard van Niekerk hulle vir die “bevordering – nie redding nie – van Afrikaans”. Van hulle was beide Hertzog en Smith voorsitters en is Van Niekerk tans nog ondervoorsitter van die US-raad.
Dié groep steun as mnre. Piet Beyers, Steven Georgala en Francois Groepe en mes. Marike Groenewald en Sanette Nowers as kandidate vir die konvokasie. As kandidate vir die donateurs steun hulle mnre. Marius Fürst en Desmond Smith.
Daar is vyf onafhanklike kandidate vir die konvokasie – prof. Pierre de Vos, me. Natalie Egelhof , drs. Hans Heese, Trunette Joseph en me. Marion Shaer – en een vir die donateurs, prof. Piet van der Walt.
Kadalie, rubriekskrywer van Die Burger, het gistergesê sy wil nie betrokke raak by die “vuil politiek” van die US nie. Sy het uitgevaar teen die sogenaamde “faksies” en het besware omdat sy, glo sonder haar medewete, op ’n e-pos gelys word as een van ’n spesifieke groep kandidate.
- Die Burger