Help die Kersfonds met ’n laaste hupstootjie
2012-02-25 00:00
- Artikelopsies
- Deel
- Kry Die Burger op
STELLENBOSCH. – Die Kersfonds beweeg op die oomblik stadig in die rigting van die R1,2miljoen-kerf en ons is vol vertroue dat dit binne die volgende paar dae bereik kan word.
Die groot mikpunt bly egter die teikenbedrag van R1,3miljoen.
Danksy ons lesers en instellings wat steeds getrou bydra, staan die fonds se totaal nou op R1166818,80.
Die hoop beskaam nie en ’n lekker hupstoot kan in hierdie stadium ’n reuse-verskil maak.
Ons geldinsameling vir 2011-’12 loop Woensdag ten einde en diegene wat nog bydraes wil maak, het nog net vier dae tyd.
Die Kersfonds samel elke jaar van September tot Februarie geld in vir Die Burger-strandhuis sodat plattelandse leerders en welsynkinders, soos in die afgelope 55 jaar, steeds hier kan tuisgaan.
Die Kersfonds is in 1956 gestig om die strandhuis vir hierdie doel te bou en in Desember 1957 het die ACVV die eerste groep van 48 kinders vir hul eerste seevakansie na die strandhuis gebring.
Vandag erken ons met dank R920 se bydraes.
Indien jy ook ’n bydrae wil maak, stuur ’n gekruiste tjek aan Die Burger-Kersfonds by Posbus 3922, Kaapstad 8000 of maak ’n direkte bank- of internet-inbetaling in Die Burger-Kersfonds se Absa-bankrekening (rekeningnommer 360220230, takkode 312109).
Bevestig die inbetaling deur jou naam en kontaknommer na 0865314366 te faks, of liesel.pienaar@dieburger.com te e-pos of 00218878000 of 0834564625 te skakel.
Alle bydraes word erken.
Reeds erken R1 165 898,80
Top Flooring (George) R320
Denise Lewis R50
E.D. Cilliers R250
T.D. Ellis (Goodwood) R300
Totaal R1 166 818,80
- Die Burger