12 Sterf in trompop-botsing

Johannesburg – 12 Mense het gesterf en ses ander is beseer nadat ’n bus en ’n minibus-taxi in ’n trompop-botsing betrokke was.

Die ongeluk het omstreeks 05:00 Donderdagoggend op die N2 tussen Mthatha en Qumbu in die Oos-Kaap plaasgevind.

Tshepo Machea, ’n woordvoerder vir die Arrive Alive-veldtog het gesê vyf passasiers van die taxi het die voorval oorleef, terwyl 12 insittendes gesterf het.

Slegs die bestuurder van die bus het matige beserings opgedoen.

“Die pad is baie lank en moegheid kon moontlik die oorsaak van ongeluk gewees het,” het Machea gesê.

Die taxi het vanaf Port Elizabeth gekom en die bus vanaf die Noordwes provinsie.

‘n Gedeelte van die pad is steeds vir verkeer gesluit.

-Sapa