JAN GERBER
05/09/2008 08:07:14 PM - (SA)
George. – Die polisie is steeds op soek na ’n deurbraak in die ondersoek na die dood van mnr. Withan Lloyd (63).
Lloyd se liggaam is Dinsdagmiddag in ’n agterkamer van sy spogwoning, Tranquility, in Wildernis gevind. Hy was vasgebind en sy huis in ’n warboel gelaat.
Lloyd is verlede Vrydag laas lewend gesien. Bure het onraad vermoed omdat sy bakkie vir dae op dieselfde plek gestaan het en het die polisie gekontak.
“In hierdie stadium is dit redelik stil. Ons kon nog nie ’n positiewe deurbraak maak nie,” het kapt. Malcolm Pojie, ’n polisiewoordvoerder, gesê.
Enigiemand met inligting kan die ondersoekbeampte, speurderinsp. Klippies Theron, by 044 803 4762 of Stop Misdaad by 08600 10111 kontak.
