Wildernis. – Die Suid-Kaapse blitspatrollie het gister nuwe vuur­waens gekry.

Komm. Mzwandile Petros, provinsiale polisiehoof, het gister die sleutels van vier splinternuwe Ford Territory’s aan die plaaslike manne in blou oorhandig.

“Ons wil dié motors nie in die motorhuis geparkeer sien nie,” het Petros gisteroggend in Wildernis gesê. “Ons wil hê die gemeenskap moet hulle sien.”

Die jongste toevoeging tot die polisie se vloot beskik oor viertrek-vermoëns en is ook met GPS-toestelle toegerus.

Volgens kapt. Malcolm Pojie, ’n polisiewoordvoerder, sal dié voertuie op die streek se hoofweë en in die landelike gebiede gebruik word.

Hul operasies sal uit George gekoördineer word.