Beijing. – Tyson Gay reken hy sal dalk vinniger as 9.7 sek. hier by die Olimpiese Spele moet hardloop as hy goud in die 100 m wil wen.

Hy fokus juis op dié tyd sedert Usain Bolt die nuwe wêreldrekord – 9.72 – opgestel het.

Gay se Amerikaanse rekord is 9.77.

In die Amerikaanse proewe het hy 9.68 gehardloop, maar toe was die wind te sterk van agter. “Toe Bolt (van Jamaika) 9.72 gehardloop het, het ek geweet ek sal vinniger as 9.7 moet hardloop om hom te klop.”