UITERS nat toestande op Worcester het Saterdag meegebring dat die o.19A-kragmetings waarin die Hoër Tegniese Skool Drostdy teen Paul Roos Gimnasium en Worcester Gimnasium teen die Hoërskool Swartland te staan gekom het, baie gelykop verloop het.

Paul Roos word moontlik effens gevlei deur sy wentelling van 17-0 nadat Drostdy die besoekers die grootste deel van die wedstryd goed in toom gehou het. Worcester Gim het Swartland naelskraap 10-8 geklop.

In ’n wipplankstryd op Robertson het die tuisspan se voorhoede teen Montagu die botoon gevoer – maar die besoekers het Robertson se foute deeglik uitgebuit om 25-24 te wen.

Labori het verras deur 17-17 gelykop te speel teen die sterk span van New Orleans, terwyl Bredasdorp 20-15 met Charlie Hofmeyr afgereken het danksy puik verdediging teen die gevaarlike agterlyn van die Ceres-span.

Die puntemakers:

HTS Drostdy 0, Paul Roos Gimnasium (7) 17: PAUL ROOS – Drieë: JP du Plessis (senter), Tythan Adams (vleuel). Doelskoppe: Brad Coetzer (senter, 2). Strafdoel: Coetzer.

Worcester Gim (7) 10, Swartland (3) 8: WORCESTER GIM – Drie: Chuma Stephanus (vleuel). Doelskop: Morné Hugo (losskakel). Strafdoel: Hugo. SWARTLAND – Drie: Jaco Pieterse (heelagter). Strafdoel: Llewellyn Lloyd (losskakel).

Robertson (14) 24, Montagu (10) 25: MONTAGU – Drieë: Jason Juicy (vleuel, 2), Barno Jaftha (vleuel, 2). Doelskop: Jaftha. Strafdoel: Jaftha. ROBERTSON – Drieë: Manuel Pestana, Reniet Neethling (stutte), Francois Harris (skrumskakel). Doelskoppe: Eduard Swart (senter, 3). Strafdoel: Swart.

Labori (9) 17, New Orleans (7) 17: LABORI – Drie: Dudley Jonkers (skrumskakel). Strafdoele: Darrel Heyns (losskakel, 2). Skepdoele: Heyns (2). NEW ORLEANS – Drieë: Charton Jacobs (slot), Clayton Blommetjies (senter), Björn Kidd (skrumskakel). Doelskop: Ryan Jordaan (losskakel). Skepdoel: Jordaan.

Bredasdorp (12) 20, Charlie Hofmeyr (15) 15; BREDASDORP – Drie: WG Stoman (flank). Strafdoele: Ziaan Potgieter (senter, 3), Jamery Carelse (losskakel). Skepdoel: Carelse. CHARLIE HOFMEYR – Drieë: Franè Juries (heelagter), B. Goliath (vleuel). Doelskop: J. Fortuin (skrumskakel). Strafdoel: Fortuin.

Ander uitslae: o.19A: Swellendam 48, HS Stellenbosch 0; Schoonspruit 17, Hottentots-Holland 0; Schoonspruit 19, Bonnievale 0. o.19B: Drostdy 13, Paul Roos 29; Worcester Gim 17, Swartland 5; Robertson 0, Montagu 28; Bredasdorp 15, Charlie Hofmeyr 12; Swellendam 82, Stellenbosch 0. o.16A: Drostdy 7, Paul Roos 17; Worcester Gim 0, Swartland 27. o.15A: Drostdy 24, Paul Roos 32; Worcester Gim 19, Swartland 0; Robertson 19, Montagu 12; Bredasdorp 20, Charlie Hofmeyr 10; Swellendam 22, Stellenbosch 5. o.14A: Drostdy 0, Paul Roos 49; Worcester Gim 19, Swartland 14.