Die Burger in die Klaskamer-winterskool bied ’n topgehalte opknappingskursus vanaf 30 Junie – 4 Julie aan by die Universiteit van Stellenbosch, Lettere Gebou. Die onderrigmedium is Afrikaans. Gr.11’s en 12’s sal goed afgerond word vir die onderskeie eindeksamens.

Vanjaar word die vakke per dag aangebied – m.a.w. jy kan vir ‘n dag, twee dae of die hele week inskryf. Die onderrigtyd is ses uur per dag en klasse sal daagliks om 8:30 begin en om 16:00 eindig. Die volgende leerareas (vakke) en leerinhoude sal (onder meer) aangebied word:

Wiskunde

Gr.11 Eksponente en wortelvorme; oplos van vergelykings; funksies en grafieke; linieêre programmering; trigonometrie; analitiese meetkunde

Gr.12 Logaritmes; getalpatrone; trigonometrie; transformasie meetkunde; funksies en grafieke; differensiaal rekeningkunde en derde graadse polinome

Fisiese Wetenskappe (Natuur-en Skeikunde)

Gr.11 Newton se wette; gravitasiewet en momente; elektrisiteit; gasse en die mol; sure, basisse en redoksreaksies; kapasitors; halfgeleiers en elektrostatika

Gr.12Meganika; meganika en golwe; elektrisiteit; reaksietempo en Le Chatelier; elektrochemie en organies; elektronika

Rekeningkunde

Gr.11 Bankversoening; bateverkope; vennootskappe (met aansuiwerings); klubs; periodieke voorraadstelsel; BTW; bestuursrekeningkunde

Gr.12 Maatskappye: Begrippe; oudit en grootboeke; finansiële state; kontantvloei state; vehoudingsgetalle

Ekonomie

Gr.11 Makro ekonomie: Produksiefaktore; gebruik van goedere en dienste; ekonomiese stelsels en struktuur

Mikro ekonomie: Verhoudings tussen markte; die uitwerking van koste en inkomste op pryse en produksie, elastisiteite

Gr.12 Makro ekonomie: Ekonomiese kringloop, sakesiklusse en vooruitskattings; rol van die openbare sektor, buitelandse sektor en betalingsbalans. Mikro ekonomie: Markte

Lewenswetenskappe (Biologie)

Gr.11 Mikro-organismes; skelet; vervoerstelsels; uitskeiding; koördinasie

Gr.12 Struktuur en funksies van die nukleus; seldeling; genetika; voortplanting

Besigheidstudies

Gr.11 Sakeomgewings; sosio-ekonomiese uitdagings; sakesektore; sakegeleenthede

Gr.12 Sakeomgewings; maatskaplike verantwoordelikhede; nuwe wetgewings; sakeondernemings; sake-inligting, beleggings en versekering; kreatiwiteit en etiek

Jou bywoning kan boonop vir jou skool pryse losslaan. As julle vriende saamspan en die meeste van julle skool woon Die Burger in die Klaskamer-Winterskool by, kry julle skool R5 000 en die tweede meeste R2 500 in geldwaarde. Die wenskole sal in Augustus bekendgemaak word. Alle winste van Die Burger in die Klaskamer-winterskool word teruggeploeg in die projekte van Die Burger in die Klaskamer.

Voltooi sommer dadelik die meegaande inskrywingsvorm (agterop dié brief) en faks dit aan ons terug. Betaal die kursusgeld in by ABSA, Bankrekeningnommer 4048931283. Begin asb. die deposito-verwysing met KIK gevolg deur jou naam en van.