ALTESAME 15 rekords het in die Coetzenburg-stadion op Stellenbosch in die slag gebly tydens die kragmeting tussen die spanne van Paul Roos Gimnasium en die Hoër Jongenskool Paarl.

Die nuwe rekordhouers is: o.14: Dalen Goliath (PR, 200h: 27.4 sek), Kurtley du Plessis (HJS, 100 m: 11.4 sek en 200 m: 22.6 sek), Jack White (PR, HS: 1.70 m) en HJS se 4x100 m-aflosspan (46.2 sek). o.15: JP Lewis (PR, 200 m: 23.0 sek), Theunis Smit (HJS, hs: 1,78 m), Ruan Maree (HJS, GS: 17,83 m) en Gregory Pietersen (PR, VS: 6,52 m). o.16: Dawie de Koker (PR, 400 m: 50.9 sek). o.17:Brynn-Peter Kemp (PR, GS: 17,33 m en DG: 53,16 m) en Steven Steyn (PR, 400 m: 50.1 sek).o.19: Tershain Raubenheimer (PR, HS: 1,91 m) en Rick Hambridge (PR, 800 m: 1:58.3). Devon Williams (HJS) se wentyd van 22.4 sek in die 200 m vir s.o.16 het die bestaande rekord in dié nommer geëwenaar.

Die HJS-tweetal Kurtley du Plessis (s.o.14 200 m: 22.6 sek: 1 011 punte) en Ruan Maree (s.o.15 GS: 17,83 m: 969 punte) en Gregory Pietersen van Paul Roos (s.o.15 VS: 6,52 m: 903 punte) was die drie toppresteerders op vanjaar se byeenkoms.

Nog agt prestasies van meer as 850 punte is behaal, nl. deur Du Plessis (HJS, s.o.14 100 m: 11.4 sek: 888 punte), Devon Williams (HJS, s.o.16 200 m: 22.4 sek: 883 punte), André Pieters (HJS, s.o.16 200 m: 22.5 sek: 869 punte), Albert Smit (PR, s.o.16 110h: 14.4 sek: 868 punte), JP Lewis (PR, s.o.15 200 m: 23.0 sek: 863 punte), Jason Warrol (PR, s.o.14 90h: 12.9 sek: 862 punte), Brynn-Peter Kemp (PR, s.o.17 DG: 53,16 m: 851 punte) en Devon Williams (HJS, s.o.16 100 m: 11.1 sek: 850 punte).

Die Paul Roos-span het die louere met 1 241 punte ingeoes, met die HJS Paarl tweede met 1 112 punte.