Verbeel jou elke week het net twee werksdae gehad. Dan sou jy inderdaad tyd gekry het vir al die dinge wat jy wil doen

Ongelukkig moet dit vir eers ’n droom bly, en moet ons eerder fokus op hierdie naweek wat wel ‘n volle vier dae lank is...

Teater was nog altyd opwindend, nie net omdat dit regte akteurs is wat voor jou die storie opvoer nie, maar ook omdat jy daar kan wees en al die energie kan absorbeer. Teaterliefhebbers kan hulself bederf die naweek. Daar is baie om van te kies, van teater oor ’n Tokoloshe tot ’n studente produksie oor ’n kaal man...

Onthou jy nog die dae van strokiesboeke soos Archie en Asterix? As jy ure om gesit het en strokiesboeke lees, of steeds ’n lekker strokiesprent geniet, moet jy beslis Saterdag na die Reader’s Den in Claremont haas. Dis Free Comic Book Day en hulle gaan die dag vier met ’n gratis strokiesboek vir almal wat opdaag.

Die internasionale Hip Hop ster, 50 Cent, maak Saterdag ’n Kaapse draai so diegene wat aanhangers is van die legende, moet beslis gou spring.

Daar is ook ’n paar kunsuitstallings wat in die Kaap rondhang, so vir die kunssinniges is dit ’n moet vir jou naweek se dagboek.

Hmmm... Ek groet jou op hierdie Woensdag met ’n glimlag en ’n wuif: Geniet! En ry veilig.