Motorcycles Direct is al vir ’n paar jaar in die motorfietsbedryf, en eienaar, mnr. Tony Balanco, is passievol oor motorfietse. Dis waarom hy die beste motorfietsvervaarvaardiger in China genader het om ’n nuwe motorfiets in te voer. Die motorfiets gaan die trotse Balanco-familienaam dra.

Motorcycles Direct skakel die middelman uit en voer motorfietse direk van die fabriek in China in. Dit beteken meer waarde vir jou geld.

Volgens Balanco se dogter, me. Bernadette Balanco, bemarker van Motorcycles Direct, is die nuwe motorfietse van topgehalte. “My pa gaan gereeld China toe. Daar besoek hy die fabrieke en toetsbestuur die motorfietse. Hy is baie passievol oor motorfietse en hy bekyk die motorfietse van buite en binne. Ons glo dat die nuwe motorfietse van die beste fabriek in China kom.” Die motorfietse wat ingevoer word, gaan deur streng gehaltebeheer voordat dit ingevoer word. Die eerste Balanco wat ingevoer is, was die 125 cc Balanco-motorfiets. Daar gaan nog bromponies, asook ’n reeks groter motorfietse in die Balanco-reeks bekend gestel word. Die 125 cc mag dalk net ’n intreevlakmotorfiets wees, maar die afwerking is van hoë gehalte en lyk baie stylvol. Dis die ideale motorfiets om jou van punt A tot by punt B te kry en besparing is ’n woord wat op hierdie motorfiets van toepassing is. Of dit nou petrol, of tyd is. Die motorfietse se reputasie vir betroubaarheid word gerugsteun deur ’n waarborg vir ware gemoedsrus.