DIE Spar Wedloop vir Vroue, wat op Sondag 13 April by die Bellville-stadion plaasvind, lok jaarliks meer as 10 000 deelnemers net uit die Wes-Kaap. Vroue van regoor Kaapstad en die omliggende gebiede neem deel aan die pret en ondersteun só ook ’n goeie doel, aangesien R2 van elke inskrywing aan die Rooi Kruis-kinderhospitaal geskenk word.

Hierdie kinderhospitaal maak hoofsaaklik staat op die regering vir sy finansiering. Wanneer hulle nodig het om hul geriewe op te knap of nuwe toerusting aan te koop, is elke skenking ’n groot hulp.

Dié hospitaal het al die hulp nodig wat hulle kan kry. Die Spar Wedloop vir Vroue ondersteun hierdie hospitaal al vir die afgelope vyf jaar. Vanjaar sal alle skenkings gaan aan toerusting vir die nuwe teaters wat tans aangebou word.

Dié wedloop maak voorsiening vir vroue van alle fiksheidsvlakke. Dit kos R40 om in te skryf vir die 10 km-roete, en R35 vir die 5 km-roete. Jy kan beide afstande stap of draf en die eerste 10 000 inskrywings kry elk ’n gratis T-hemp en geskenkpak.

Daar is ook ’n groot gelukstrekking waarin deelnemers ’n splinternuwe Volkswagen Tenaciti kan wen.

Inskryfvorms is beskikbaar by alle Kwikspar-, Spar- en Superspar-winkels. Deelnemers kan ook binne die volgende uitgesoekte Superspar-winkels inskryf: Aurora, Parklands, Kuilsrivier, Sonstraal, Plattekloof, Seepunt, Die Boord, Belhar, Welgedacht, Rosmead en Elite.

Om meer uit te vind oor die wedloop of om aanlyn in te skryf, besoek www.spar.co.za of kontak Westelike Provinsie Atletiek by 071 100 7141 of by 071 100 7135.