DIE Spar Wedloop vir Vroue is vanjaar weer ’n groot geleentheid vir alle vroue.

Die wedloop is vanjaar op Sondag 13 April, weer by die Bellville-stadion.

Het jy al ’n goeie rede om in 2008 aan hierdie wedloop deel te neem?

Hier is ’n paar redes:

. As jou fiksheid vlak by nul is, is dit die beste wedloop om aan deel te neem;

. Dié wedloop maak voorsiening vir alle vlakke deur ’n 5- en 10 km-roete te hê;

. Jy kan die roetes stap of hardloop teen R40 vir 10 km en R35 vir die 5 km;

. Die eerste 10 000 inskrywings ontvang elkeen ’n gratis T-hemp van Spar en ’n geskenkpak vol verrassings; en

. Die eerste 10 000 deelnemers oor die wenstreep kry ook medaljes.

As jy nog nie ’n rede het om deel te neem nie, miskien sal die volgende jou oortuig.Dit is vanjaar Spar se 45ste verjaarsdag, en omdat hulle wil hê almal moet deel wees van die viering, het die borg besluit om ’n splinternuwe VW Tenaciti as gelukstrekkingprys weg te gee.

Een gelukkige deelnemer sal ná die wedloop met ’n blinknuwe motor wegry. Al wat jy hoef te doen, is om te bly vir die prysuitdeling. Dit beloof om sommer baie interessant te wees!

Dié wedloop is een van die belangrikste geleenthede op Westelike Provinsie Atletiek se padwedloop-kalender, en beloof om toeskouers en vrouestappers en -drawwers ’n opwindende dag vol pret te gee. Inskryfvorms is beskikbaar by alle Kwikspar-, Spar- en Superspar-winkels.Deelnemers kan ook binne die volgende uitgesoekte Super-spar-winkels inskryf: Aurora, Parklands, Kuilsrivier, Sonstraal, Plattekloof, Seepunt, Die Boord, Belhar, Welgedacht, Rosmead en Elite.

Om meer uit te vind oor die wedloop of om aanlyn daarvoor in te skryf, besoek die webwerf by www.spar.co.za of skakel Westelike Provinsie Atletiek by 071 100 7141 of 071 100 7135.