|
|||||||||||
|
 |  | | | | | | | | |  | ||||||||||
 Matie-slot Wesley Wilkens gee Saterdag die bal uit, terwyl ’n Shimla-verdediger hom vasvat in die intervarsity op Stellenbosch. Dit was ook deel van die Varsitybeker-reeks. Die Maties het met 27-11 gewenFoto: MICHAEL WALKER
Kampus Rugby
Sarel Maties se held in sege oor Kovsies
10/03/2008 02:01:16 PM - (SA)
KAAPSTAD. – Die Maties het Saterdag op Stellenbosch verrassend maklik met die Kovsies se Shimlas in hul jaarlikse intervarsity afgereken.
Dié rugbywedstryd in die Danie Cravenstadion het ook deel gevorm van die nuwe Varsitybeker-reeks, en die Stellenbosse studente se sege van 27-11 het verseker dat hulle nog ’n aanspraak op die trofee het.
Die Maties se groot held was die senter Sarel Potgieter wat 22 punte bygedra het. Dit het twee puik drieë ingesluit. Voorlangs het die Maties ook oorgenoeg goeie balbesit gewen om hul haastige agterlyn in besit te stel.
Puntemakers:
MATIES – Drieë: Sarel Potgieter (2), Therlow Pietersen. Doelskoppe: Potgieter (3). Strafskop: Potgieter (2).
SHIMLAS – Drie: Cameron Jacobs. Strafskoppe: Jan du Toit (2).
. In die hoofvoorwedstryd het die Victoriane (Maties se 2de span) teen die Irawas (Kovsies se 2de) die knie gebuig (23-21). Die wedstryd het deurentyd wipplank gery.
Intussen het die Universiteit van Johannesburg Tukkies 41-18 geklop.
Puntemakers:
UJ – Drieë: Ryno Luus (2), Tango Gatya, Hennie Oosthuizen. Doelskoppe: Luus (3). Strafskoppe: Luus (3). Skepskop: André Smith.
TUKKIES – Drieë: Johan Jackson, Warrick Tecklenburg. Doelskop: Chandré Boshoff. Strafskoppe: Boshoff (2).
|
 |
|
Kontak
ons | Navrae
| Teken in
op ons nuusbrief | Vrae
oor registrasie | Adverteer
| gebruikersooreenkoms
|  |
 |
 |
|
