Tukkies het vinnig herstel ná hul 55-24 nederlaag teen die Ikeys verlede week en het die Shimlas van Bloemfontein dié naweek 32-14 geklop.

Die Shimlas het die Universiteit van Johannesburg verlede week 54-6 verwoes, maar kon nie die mas opkom teen die span van Pretoria nie.

Puntemakers:

Shimlas – Drieë: Danny Theron, Wouter Stieger. Doelskoppe: Sias Ebersohn, Boer van Niekerk.

Tukkies – Drieë: Jaimie McKenzie (3), Johan Booysen. Doelskoppe: Chandré Botha (3). Strafskoppe: Botha, Joey Mongalo.

Maandagaand speel die Maties teen die NWU-Pukke, die Tshwane Universiteit van Tegnologie (TUT) speel teen die NMMU en die Ikeys speel teen die Universiteit van Johannesburg.

Maties, wat een wedstryd gewen en een gelykop gespeel het, is die enigste onoorwonne span in die kompetisie.