Muthien sê die tas het oopgebreek ná ’n vlug tussen Rome en Madrid.

Sy het die saak by die betrokke maatskappy aangemeld.

Luggage Warehouse en die vervaardigers, Antler Luggage, het egter geweier om haar skade te vergoed.

Kampvegter het die saak met mnr. Chris Warncke, besturende direkteur van Luggage Warehouse, opgevolg.

Warncke sê lugrederye is dikwels verantwoordelik vir situasies soos dié waarin Muthien haar bevind. Volgens hom is lugrederye altyd verantwoordelik vir ’n mens se bagasie terwyl dit in hul besit is.

“Wanneer bagasie dus beskadig word as gevolg van die lugredery se nalatigheid, is dit die reisiger se verantwoordelikheid om die saak binne sewe dae aan te meld,” skryf Warncke.

Hy verduidelik verder dat dit die lugredery se verantwoordelikheid is om die reisiger se beskadigde bagasie te vervang of te vergoed.

Warncke sê Muthien was moontlik nie bewus daarvan dat sy haar probleem binne sewe dae by die betrokke lugredery moes aanmeld nie. “As ’n welwillendheidsgebaar gaan Luggage Warehouse en Antler egter Muthien se tas vervang.”