OUDTSHOORN. - Die bekroonde dramaturg Saartjie Botha sê daar is ’n behoefte by mense om na “ernstige” vertonings te kyk.

Só het sy gereageer nadat drie van die vier produksies waarin sy by die Absa KKNK betrokke is, gister op die fees se top-20-lys was.

Dié lys word elke dag op datum gebring.

“Ek voel verskriklik gevlei en trots. Ons het hard gewerk om vir ons ’n gehoor te bou,” het sy gesê.

Een van die vertonings van ’n Lang Dagreis na die Nag (nommer 6 op die lys), is gister uitverkoop. Om Soos ’n Lyk te Lê (nommer 8) was die vorige dag uitverkoop, het sy gesê.

Botha sê met Saad (nommer 20) moet daar soms nog ekstra stoele ook in die saal ingeprop word.

“Ek is baie trots op Saad, en ook die ander produksies, trots op die verhore wat dit kom kyk en kans sien daarvoor.

“Ek is trots op Om Soos ’n Lyk te Lê omdat mense met idees kom en bereid is om daarmee te gaan of om standpunt in te neem en te reageer op wat hulle sien.”

Die volledige lys is soos volg:

1. Cirque du Sussie

2. Sophia Mentz Beredder haar Boedel

3. Dowwe Dolla

4. Klassieke Chameleon

5. Binnelanders Buiteweste

6. ’n Lang Dagreis na die Nag

7. Shirley Valentine

8. Om Soos ’n Lyk te Lê

9. Breinbliksem

10. Amanda Strydom

11. Wyk 14

12. Hallelujah

13. Dagboek van ’n Swerwer

14. Die Duiwel Dra Crocs

15. Maaltyd vir Een

16. Not the Big Easy

17. Dirk en Lindie (’n Operette)

18. Trolliekind

19. Die Keiser

20. Saad