RUAN BASSON(19) van Kaapstad: “Dit is presies wat ons doen. Ons gaan nie na shows toe nie. Ons is arm, want ons is studente. Niemand wil vir ons geld gee nie, want hulle weet ons gaan dit uitdrink.”

ILSE FERREIRA(18) van Hermanus: “Dit is nie so nie. Kunsliefhebbers kom ook vir die shows. Ek was al by ’n show van ’n chick wie se naam ek nie kan onthou nie.”

GERRIE BOSMAN(18) van Mosselbaai: “Dis onwaar. Die kuier is net ’n bonus. Ons drink van 09:00 af as ons dors is.”

WOLFRAM WAGENER(34) van Kaapstad: “Daar is ruimte vir kuier en vir shows. Ons drink van 07:00 af totdat ons omval.”

LEANDÉ JORDAAN(18) van St. Francis: “Ons gaan na die shows toe om Afrikaans te ondersteun. Ons kuier net met koeldrank. Ons drink nie om dronk te word nie.”

BELINDA LE ROUX(20) van Patensie: “Ons is hier vir die kuier. As ek betaal, hang dit af van hoe goed die show is. Ons kuier vandat die son opkom, omtrent so van 07:00 af.”

GERHARD VISSER(20) van Jeffreysbaai: “Nee, die fees is nie ’n verskoning vir drink nie. Ons kuier vandat die son opkom, regdeur. Ons bly in Tentedorp, want dit is die enigste plek waar jy ná middernag kan kuier en waar daar drank is.”

JOMARIE BURROWS (43) van Kraaifontein: “Ons drink glad nie. Al die ander hier rondom ons in Tentedorp drink. Dis walglik hoe hulle te kere gaan. Soms ruk dit hand uit en die kru taal is verskriklik!”

MARITSHA GOUWS (19) van Port Elizabeth: “Ons moet Afrikaans celebrate deur te kuier, want dit gaan verlore!”