DIE uitstalling van genl. Koos de la Rey se doodsmasker is gister deur só baie mense bygewoon dat die trust aan wie die masker behoort is oorreed om dit met nog ’n dag te verleng.

Volgens mnr. Paul Alberts, uitgewer van die boek De la Rey: ’n Stryd vir Vryheid, was daar gister ’n geweldige toeloop van mense wat graag die masker wou sien.

Alberts sê dit was nie net die ouer garde wat daar was nie. Daar was glo heelwat jong en bruin mense.’n Groot opdamming is veroorsaak toe Steve Hofmeyr ’n draai gemaak het.

Prof. Andries Raath van die Universiteit van die Vrystaat het die masker ontdek nadat iemand gereageer het op ’n foto daarvan in sy boek De la Rey: ’n Stryd vir Vryheid.

Die masker sal vandag nog van 08:15 tot 17:00 in die Drilsaal uitgestal word.

Daarna keer dit terug na private besit.

“Mense sal dit nooit weer in hul lewe kan sien nie. Dié is hul enigste geleentheid,” sê Alberts. “Dit sal toegesluit word en die publiek sal dit nie weer sien nie.”