“STUNNING! Dit was stunning. Ek hou sy loopbaan dop.”

Só beskryf Liesl Neethling (38) van Oudtshoorn Jaco Blomerus se show, Sonder begeleiding, gister in die Laer­skool Noordsaal op die Absa KKNK op Oudtshoorn

In dié show sing Blomerus Antjie Krog se eerste gedigte.

Die klein gehoor was stil, maar het ná elke liedjie hande geklap.

Vir Danielle Strydom (14) van Durbanville was dit “awesome”.

“Ek hou van sy liedjies. Die ritmes is cool een hoe hy dit doen is anders,” het sy gesê.

“Dis baie goed en passionate gedoen,” meen Emilie Badenhorst (14) van Somerset-Wes.

“Hy sit sy hart in die songs.”

Hilda Badenhorst (38) van Oudtshoorn dink Blomerus het ’n “fantastiese stem.

“Meer mense moet dit kom kyk.

“Dit was baie mooi.”

Die regisseur Petrus du Preez kan gelukkig na dié vertoning uitasem.

“Die eerste show is verby en dit is altyd dieice breaker met nuwe werk. Ek dink die musiek maak die gedigte op ’n ander wyse toeganklik.

“Behalwe vir die gedigte van Krog is dit wonderlike, genotvolle musiek.”

Blomerus self dink sy show was “OK”.

Hy sê: “Mense moet kom uitvind of hulle daarvan hou of nie. Indien nie, tough luck.”
. Sonder begeleiding is vandag om 10:00, môre om 14:00 en Donderdag om 19:00 in die Laerskool Noordsaal.