LEANDRI SMIT (18) van Goodwood se hemp lees ook agterop: “is d@nners lekker”. “Ek het van die hemp gehou, want die stelling is waar,” sê sy.

RUAN MEYER (25) van George dra sy hemp omdat hy trots Afrikaans is. Dit lees ook agterop: “Chucky wens hy was ’n boer!” Hy sê: “Chuck het nie genoeg balls om Afrikaans te wees nie.”

DEON STOFFBERG (50) van Kaapstad sê hy dra die hemp vir die snaaksigheid, want hy drink maar min. “Party mense neem dit tog ernstig op,” sê Stoffberg. Hy wil hê mense moet ook notisie van sy pet neem en sê: “Ek is niemand se oom nie, ek is Deon!”

NORMAN WIGGIT (19) van Goodwood se T-hemp lees ook agterop: “Ek is pap tyres”. Hy verduidelik: “Ek dink ek staan uit met dié hemp en ek dra dit in die gees van die fees/”

ANDRÉ GELDENHUYS (5) van die Paarl praat nét Afrikaans. Die knapie was egter ’n bietjie skaam om oor sy hemp uit te brei.

ANN MARAIS (35) van Port Elizabeth word deur niemand verstaan nie. “Omdat ek gedurig dwars van die regering is, verstaan niemand my nie, nog minder my vriende.” Sy het darem bygevoeg dat die hemp van goeie gehalte is.

FANIE HEYNS (41) van Sedgefield is nie té bekommerd oor ’n moontlike egskeiding aan die einde van die fees nie. “Dis my vrou wat my aangemoedig het om die hemp te koop. Wat op die hemp staan, is boonop die waarheid,” het hy met gemak gesê.