Nieu-Delhi. – Minstens 145 mense is Sondag in ’n toeloop na ’n Hindoe-tempel op ’n berg in Noord-Indië dood, volgens die polisie.

Die pelgrims het ’n godsdiensfees van nege dae by die Naina Devi-tempel in die distrik Bilaspur in die provinsie Himachal Pradesh bygewoon, volgens die adjunkpolisiehoof, C.P. Verma.

“Ons inligting is dat 40 kinders en 45 vroue dood is,” het hy gesê. Veertig mense is beseer.

In die toeloop bergop het ’n reling langs die smal paadjie glo meegegee en tientalle mense het na benede gestort.