 |
|
|
WEER
»
Kaapstad 14º / 22º | Worcester 9º / 23º | George 12º / 21º | Port Elizabeth 12º / 21º | Stuur enige kommentaar, stories, foto's of wenke aan web@dieburger.com |
|
|||||||||||
|
 |
|
|
|
|
|
|
|
|
|
|
|
|
|
|
|
|
|
|
VIND: | |
|
 U.S. Democratic presidential nominee Senator Barack Obama (D-IL) and Senator Hillary Clinton (D-NY) attend a campaign rally in Orlando, Florida, in this file image taken October 20, 2008. Clinton emerged on November 13, 2008 as a candidate to be U.S. Secretary of State for president-elect Obama, months after he defeated her in an intense contest for the Democratic presidential nomination. Foto: REUTERS
Buiteland
Obama oorweeg Hillary
15/11/2008 12:49:56 AM - (SA)
Washington. - Sen. Barack Obama, Amerika se aangewese president, oorweeg glo sy teenstander in die Demokratiese benoemingstryd, sen. Hillary Clinton, as sy minister van buitelandse sake.
’n Bron na aan die Obama-kamp het aan ABC News gesê gesprekke oor die moontlikheid dat Clinton gevra gaan word om die pos te aanvaar, is “baie ernstig”, hoewel niks amptelik erken is nie.
’n Voormalige amptenaar in Clinton se kantoor het op die vraag of sy die pos sal aanvaar, soos volg geantwoord: “Ek dink so. Wat sou jy die graagste wees – ’n senator of minister van buitelandse sake?”
Twee bronne na aan Obama se span het ook aan CNNbevestig sy word vir die pos oorweeg. NBC News het dit ook uit bronne na aan die Obama-kamp bevestig.
Die pos kan haar terugplaas in die kollig ná die dramatiese benoemingstryd, maar dit kan ook haar hande afkap om te begin werk vir ’n moontlike wedloop vir die Withuis in 2012 of 2016.
Clinton is opgemerk toe sy ’n vlug na Chicago gehaal het, maar die rede is as ’n “private besoek” gegee. Die kantoor van Obama se oorgangspan wat sy administrasie saamstel is in Chicago.
’n Ander kwessie wat die wenkbroue laat lig het, is dat Obama en Clinton gereeld en heftig oor buitelandse beleid vasgesit het in die benoemingstryd.
Sy het Obama as naïef afgemaak omdat hy bereid is om met diktators in lande soos Iran, Kuba en Venezuela te praat.
Die oorweging van Clinton vir dié toppos beteken dat Obama nie heeltemal gelukkig is nie met sy kortlys van sen. John Kerry, goew. Bill Richardson van Nieu-Mexiko – ’n topdiplomaat in haar man, oudpres. Bill Clinton, se kabinet – en sen. Chuck Hagel, ’n Republikein.
|
 |
|||||||||||||||||||||||||||||||||||||||||||||||||||||||||||||||||||||||||||||||||
|
Kontak
ons | Navrae
| Teken in
op ons nuusbrief | Vrae
oor registrasie | Adverteer
| gebruikersooreenkoms
|  |
 |
 |
|
