 |
|
|
WEER
»
Kaapstad 13º / 24º | Worcester 8º / 25º | George 8º / 22º | Port Elizabeth 10º / 21º | Stuur enige kommentaar, stories, foto's of wenke aan web@dieburger.com |
|
|||||||||||
|
 |  | | | | | | | | |  | ||||||||||
| | | | | | |||||
 Gareth Cliff, ’n platejoggie van 5FM, sit gisteraand met sy brief wat hy glo aan die burgemeester wou oorhandig. Daarin vra Cliff om verskoning dat hy die Baai verskeie kere “beledig” het. By hom is sy regterhand, me. Lyndell Klasse. Foto: CHARLES PULLEN
Streek
OOS-KAAP: Gareth Cliff bring sélf sy verskoning na Baai
09/05/2008 10:05:16 PM - (SA)
PORT ELIZABETH. – Ondanks ’n vertraagde vliegtuig en die afwesigheid van die burgemeester is Gareth Cliff, die bekende platejoggie van 5FM en Idols-beoordelaar, vasberade om sy verskoning aan die stadsbestuur te oorhandig.
Só het Cliff gisteraand gesê nadat hy glo veronderstel was om mnr. Bicks Ndoni, onderburgemeester van die Nelson Mandelabaai-munisipaliteit, te ontmoet.
Cliff het vroeër vanjaar in sy oggendprogram gesê Baaienaars is só eienaardig dat die hele stad van die aarde moet verdwyn.
Hy wou gisteraand ’n brief aan die burgemeester oorhandig waarin hy om verskoning daarvoor vra.
Mnr. Roland Williams, munisipale woordvoerder, het egter gesê Cliff en sy trawante het nooit die burgemeester se kantore gekontak nie.
“Ek het vanmiddag (gistermiddag) vir die eerste keer die nuus ontvang dat Cliff op pad Baai toe is.
“Ek het verneem dat hy ’n vergadering met die burgemeester gereël het nadat ’n plaaslike koerant my gekontak het, maar ons het nog nooit van hulle ’n oproep ontvang nie,” het hy gesê.
Williams het Cliff se optrede as ’n publisiteitsfoefie bestempel.
Cliff en twee van sy kollegas het gister omstreeks 19:00 in die Baai opgedaag.
“Aangesien die burgemeester en onderburgemeester nie vanaand (gisteraand) hier is nie, sal ons dit môreoggend (vandag) by hulle kantore aflewer,” het hy gesê.
Hy het ook gesê hy gaan egter nie om verskoning vra omdat hy die Oos-Kaap twee jaar gelede die oksel (“armpit”) van Afrika genoem het nie.
“Die oksel is ’n belangrike deel van die liggaam en daarom beskou ek dit nie as belediging nie.
“Dit kon erger gewees het. Ek kon die Oos-Kaap die kruis (van die liggaam) genoem het,” het hy skertsend bygevoeg.
Cliff het sedert verlede jaar die Baai agt keer besoek en het gesê dit is nogtans een van sy gunsteling-plekke in die land.
“Elke land het ’n snaakse deel en die Baai is Suid-Afrika s’n.”
|
 |
||||||||||||||||||||||||||||||||||||||||||||||||||||||||||||||||||||||||||||
|
Kontak
ons | Navrae
| Teken in
op ons nuusbrief | Vrae
oor registrasie | Adverteer
| gebruikersooreenkoms
|  |
 |
 |
|
