 |
 |
|
|
|
WEER
»
Kaapstad 14º/18| Worcester 9º/22| George 10º/22| Port Elizabeth 11º/24
|
||||||||
|
WEER
»
Kaapstad 14º/18| Worcester 9º/22| George 10º/22| Port Elizabeth 11º/24
|
Stuur enige kommentaar, stories, foto's of wenke aan web@dieburger.com | |||||||
 |  | | | | | | | | | | | |  | |||||||||||||
| | | | | ||||
 Mnr. Anthony Jacobs, ’n visserman, het gister die twee seuns wat naby Deal Party verdrink het, probeer red. Jacobs en sy seun het visgevang toe die voorval plaasgevind het. Inlas: Twee seuns, vermoedelik van die New Brighton-gebied, het gister in die see naby Deal Party verdrink. Hier sit mnr. Gerald Bock, ’n senior forensiese beampte van die Mountweg-polisiekantoor, by die liggame. Foto: WERNER HILLS
Streek
OOS-KAAP: Twee seuns verdrink in see
26/03/2008 10:16:00 PM - (SA)
PORT ELIZABETH. – Twee onbekende seuns is gister dood nadat hulle vermoedelik in die see naby die mond van ’n vloedwaterkanaal in die Baai verdrink het.
Die voorval het omstreeks 11:30 naby die dolosse in Deal Party gebeur. Volgens mnr. Craig Lambinon, ’n woordvoerder van die Nasionale Seereddingsinstituut, het een van die seuns in die moeilikheid beland.
“Sy maat wou hom glo help, maar het in die proses ook verdrink.”
Die seuns, van tussen die ouderdom van agt en nege jaar, is albei op die toneel dood verklaar.
Volgens Lambinon het ’n visserman, mnr. Anthony Jacobs, van Uitenhage, die voorval sien gebeur. Hy en sy seun het gehengel. Hy het hom na die kinders gehaas, maar het te laat by hulle aangekom.
Kapt. André Beetge, ’n polisiewoordvoerder, het gesê die kinders is waarskynlik van die nabygeleë New Brighton-gebied omdat hulle tot by die see geloop het.
Volgens hom was daar altesame sewe seuns.
Een van hulle het glo huiswaarts gehardloop om hulle ouers van die voorval in te lig.
Die polisie was gister nog op soek na die ouers.
|
||||||||||||||||||||||||||||||||||||||||||||||||
 |
Kontak
ons | Navrae
| Teken in
op ons nuusbrief | Vrae
oor registrasie | Adverteer
| gebruikersooreenkoms
|  |
 |
|
