 |
|
|
WEER
»
Kaapstad 13º / 24º | Worcester 8º / 25º | George 8º / 22º | Port Elizabeth 10º / 21º | Stuur enige kommentaar, stories, foto's of wenke aan web@dieburger.com |
|
|||||||||||
|
 |
|
|
|
|
|
|
|
|
|
|
|
|
|
|
|
|
|
|
VIND: | |
|
 Die Magpie Princess-kandelaar is een van twee werke uit Barrydale wat nou in die Withuis hang. Pres. Barack Obama se binnenshuise versierder, mnr. Michael Smith, het vandeesweek twee kunswerke van Magpie Design Studio van Barrydale gekoop. Foto: verskaf
Nuus
Withuis met kandelare uit Barrydale versier
18/06/2009 10:59:48 PM - (SA)
Kaapstad. - Die nuutste kunstoevoeging tot pres. Barack Obama se nuwe tuiste is twee kandelare wat in Barrydale van onder meer plastiekdoppies, krale en weggooigoed gemaak is.
Die vier kunstenaars van Magpie Design Studio in Barrydale voer sedert Desember 2007 hul kunswerke uit na Amerika waar dit in Anthropologie, ’n leefstylwinkel, verkoop word.
Die agent wat hul uitvoere behartig, het Woensdagoggend die nuus oorgedra dat die Amerikaanse president se bekende binnenshuise versierder, mnr. Michael Smith, twee van hul werke vir die Withuis aangekoop het.
Die werke is die Magpie Princess-kandelaar en Magpie Showgirl-kandelaar, wat elk vir sowat $4 800 (R39 000) verkoop is.
Volgens mnr. Shane Petzer, wat Magpie Design Studio in 1998 in Kaapstad saam met mnr. Scott Hart gestig het, is hulle stomgeslaan.
“Dit is baie opwindend dat kunswerke wat in die leier van die grootste land ter wêreld se huis hang al die pad van ’n klein dorpie in Suid-Afrika af kom.
“Omdat Barrydale so klein is, versprei die nuus vinnig. Ons word oorval deur gelukwensings en SMS’e,” het Petzer gesê.
Hart en Petzer het in 2005 na Barrydale getrek, waar mnre. Sean Daniel en Richard Panaino by hulle aangesluit het.
Buite die Magpie-winkel is ’n houer geplaas waarin die gemeenskap hul weggooigoed kan sit wat vir die kunswerke gebruik kan word.
Volgens Daniel betrek hulle ook lede van die gemeenskap by hul projekte om hulle van kuns en herwinning te leer.
“Die kunswerke vertel die storie van hoe dinge tans in die wêreld is – dat ons dalk anders oor ons afval moet dink en iets daaromtrent moet doen,” het Petzer gesê.
Magpie het die afgelope twee jaar ook ’n Kersboom uit herwonne materiaal vir me. Helen Zille, Wes-Kaapse premier, gemaak.
|
 |
||||||||||||||||||||||||||||||||||||||||||||||||||||||||||||||||||||||||||||
|
Kontak
ons | Navrae
| Teken in
op ons nuusbrief | Vrae
oor registrasie | Adverteer
| gebruikersooreenkoms
|  |
 |
 |
|
