Een kind is dood toe ’n bus Donderdagoggend naby Ceres omgeslaan het.

Die 12-jarige leerder van Die Eike (VGK) Primêre Skool was reeds dood toe reddingswerkers haar Donderdagmiddag ná ’n lang gespook bevry het.

Mnr. Gert Witbooi, woordvoerder van die provinsiale minister van onderwys, mnr. Cameron Dugmore, het gesê ongeveer 40 leerders van dié skool was op die bus toe die ongeluk Donderdagoggend plaasgevind het.

Die bestuurder het moontlik vir ’n ander voertuig probeer uitswaai. Witbooi, het gesê twee leerders het aanvanklik onder die bus vasgesit, maar een is reeds bevry.

Lees die volledige berig môre in Die Burger.