Mev. Najwa Petersen beweer sy was in ’n diep slaap toe sy deur ’n man in ’n balaklawa “wild wakker” gemaak is.

In ’n verklaring wat sy op 18 Desember 2006 aan die polisie gemaak het, na die moord op haar man Taliep, stel sy haar kant van die saak.

Mev. Petersen het aan kapt. Joe Dryden, die ondersoekbeampte, vertel sy het gesien hoe ’n onbekende man by haar man was waar hy op die vloer gelê het.

Luidens dié verklaring, wat Dryden Donderdagoggend aan die Kaapse hoogeregshof voorgelees het, was mev. Petersen in haar kamer deur die aanvallers toegesluit toe sy die doodskoot hoor afgaan het.

Sy het daarna familielede gebel.

Die saak voor regter Siraj Desai duur voort.