Taliep Petersen se musiekvenoot en vriend, David Kramer, het Dinsdagoggend die getuiebank in dié moordverhoor in die Kaapse hooggeregshof ingeneem.

Kramer het aan regter Siraj Desai vertel dat hy en Taliep mekaar vir 30 jaar geken het en vir 20 jaar aan verskeie musiekblyspele gewerk het.

Hy het aan die hof verduidelik hy, sy vrou (Renaye) en Taliep het vooraf geld in die produksies belê. “Daar was ’n ooreenkoms waar ons geld (vooraf) sou inbetaal. Sodra ons ’n wins gemaak het, sou ons dit verdeel,” het hy gesê.

Die hof het gehoor geld vir dié produksies is ook van mev. Najwa Petersen, Taliep se weduwee en een van die beskuldigdes in sy moord, en mnr. Dirk Fruits ontvang.

Die saak duur voort.