Die verhoor waarin Najwa Petersen en drie ander aangekla word van die moord op Taliep Petersen, is Vrydag tot 5 Mei uitgestel.

Dit volg nadat die staat Vrydag aansoek gedoen het dat hoorsê-getuienis wat spruit uit gesprekke wat Taliep met sy suster gevoer het, toegelaat word.

Najwa Petersen se regspan het beswaar aangeteken en regter Siraj Desai het gesê hy het tyd nodig om die baie belangrike besluit oor die aansoek te neem.

Desai het ook gesê die staat het nou die geleentheid om sy saak te konsolideer nadat een van die beskuldigdes, mnr. Waheed Hassen, aangekondig het dat hy nou skuld wil beken.