’n Plas water op die aanloopbaan het gelei tot die vliegtuigtuigongeluk by ’n mark in die Demokratiese Republiek van die Kongo (DRK) waarin ten minste 37 mense dood is, het lugvaartowerhede Woensdag gesê.

Die DC-9 straler het glo enjinprobleme met die opstygslag ontwikkel.

Reddingswerkers het verwoed gespook om vlamme te blus ná die ongeluk in Goma, die hoofstad van die oostelike Nord-Kivuprovinsie.

Volgens bronne, wat op voorwaarde van anonimiteit gepraat het, het die bemanning van die Hewa Bora-lugdiens gesê die vliegtuig het meganiese probleme opgetel ná dit deur ’n plas water op die aanloopbaan gery het. Volgens hulle het die loods aanvanklik besluit om deur te druk, maar toe remme aangeslaan en beheer verloor.

Die aanloopbaan is in 2002 deur lawa beskadig tydens ’n vulkaniese uitbarsting en het intussen agteruit gegaan.

’n Verteenwoordiger van die lugdiens, Stavros Papaioannou, het ook beaam dat daar probleme ondervind is tydens opstyging.Volgens hom het die bemanning ’n ontploffing agter in die vliegtuig gehoor terwyl die vliegtuig aan’t spoed optel was. ”Die loods het gerem maar die aanloopbaan was nat, die vliegtuig het gegly en (die loods) het beheer verloor,” het hy gesê.