BUSINESS & ART SOUTH AFRICA (Basa), in samewerking met Business Day, het onlangs die benoemings vir die 11de Basa-toekennings aangekondig.

Die oogmerk met dié toekennings is om erkenning te gee aan sake­ondernemings wat op ’n innoverende manier ’n bydrae ter ondersteuning van die kunste maak.

In die kategorie vir beste benutting van opdragwerk is drie in­stan­sies benoem: Absa vir vier ­to­neel­stuk­ke op die Aardklop-kunste­fees; Rand Merchant Bank vir The ­Think­ers en Sandton Central ­Management District vir die projek The Why Men.

In die kategorie vir nuweling-borge is benoem Coal Stove Produ­c­-t­ions vir Off the Shelf; Intel ­Cor­por­a-t­ion vir die Intel Centrino Road-show; Talk Radio 702 vir ­Africa Remix en Tsogo Sun vir The Lion King.

In die kategorie waarin bydraes tot groter toegang tot die kunste beloon word, is die benoemdes Cell C vir die Cell C-gospelfees; Distell vir Die Liefdeskind; Exclusive Books vir Homebru; Fairlands Trust Company vir die Clanwilliam-kunsontwikkelingsprojek en Standard Bank ­Lim­popo vir Double 07, ’n kuns­uit­stal­ling in Polokwane.

Borgskappe vir Suid-Afrikaanse kuns- en kultuurbevordering in die buiteland kry erkenning in die ­ka­te­go­rie vir internasionale steun.

Die benoemdes is Mercedes Benz SA vir die jaarlikse Mercedes Benz-kunste­toekenning; Rand Merchant Bank vir The Magic Flute en ­Telkom SA vir The Lion King.

Benoemdes in die kategorie vir vol­gehoue steun (drie jaar of ­langer) is MTN vir die MTN-kunsversameling; Nando’s SA vir kuns in Nan­do’s-restaurante; Pick ’n Pay vir die Zama-dansskool in Gugulethu; Spier (Afrika-sentrum) vir Spier Kontemporêr en Standard Bank vir die Standard Bank-versameling van Afrika-kuns by die Universiteit van die Witwatersrand.

Vir media-steun is benoem Die Burger vir die Suidoosterfees van 2007; Independent Newspapers vir The Mercury Durban-teater­toe­ken­nings; Kaap-Rapport vir die Kaap-Rapport-korekompetisie op die Suidoosterfees en Talk Radio 702 vir Africa Remix.

In die kategorie “enkel-projek” is die volgende ondernemings ­benoem: Bell Dewar & Hall vir sy steun aan die Artist Proof Studio; Rand ­Mer­chant Bank vir The Magic Flute en Sand­ton Central Management District vir die Sandton ­Central ­Illum­in­ation-projek The Why Men.

Benewens geldelike steun is daar ook ondernemings wat nie-finansieel betrokke was by die bevordering van die kunste.

De­neys Reitz het pro bono-werk vir verskeie kuns- en kultuurorganisasies ge­lewer; Fine Music Radio 101.3 vir die Camera Tinta Barocca­mu­siek­lief­dadigheidstrust; Primi World vir Primi Live en die Vukili Property Fund vir die Nasionale ­Eisteddfod-aka­demie se Di Konikono-fees.

Vir strategiese steun is benoem Cell C vir die Cell C-gospelfees; ­Ex­clus­ive Books vir Homebru en ­Intel Corporation vir die Intel ­Centrino Road-show.

In die kategorie vir steun aan die jeug is die benoemdes Black Like Me vir die Files Band Foundation; ­San­tam vir Santam-kinderkuns; Standard Bank vir die Standard Bank-skolefees van drama en die kunste; TBWA/Hunt/Lascaris vir Room 13 en Total SA vir die Sibikwa-gemeenskapsteater.

Die wenners in al hierdie kategorieë word op Maandag 26 Mei in ­Jo­han­nesburg aangekondig.