Varsitybeker: Pukke-breier maan Ikeys

KAAPSTAD

“Ons kom Kaap toe met hoë verwagtinge.”

Dít was die waarskuwing van die Pukke se afrigter, Rudy Joubert, voor vandag se Varsitybeker-kragmeting met die Ikeys op die Universiteit van Kaapstad se rugbyveld.

Die Pukke en Ikeys was sedert die aanvang van die reeks in epiese wedstryde betrokke, met twee halfeindstryde wat tussen hulle beslis is. Die Ikeys het die eerste in 2008 naelskraap met 32-31 gewen en die Pukke was verlede jaar met 19-17 baas.

Albei spanne se spelpeil verlede week in die eerste ronde was skaf­lik, met die Ikeys wat in ’n gelykop-stryd van 30-elk met die Shimlas in Port Elizabeth betrokke was, en die Pukke wat die Tukkies met 35-24 verslaan het.

“Ons het goed begin deur 5 punte in te samel, maar kon steeds beter gespeel het,” sê Joubert.

“Wedstryde tussen ons en die Ikeys is tradisioneel naby. Hulle is ’n sterk span en moeilike teenstanders, veral teen die berg. Die Ikeys het goed gedoen deur terug te veg vir ’n gelykop-stryd teen die Shimlas. Dit dui op karakter. Ons het selfvertroue ná ’n baie goeie voorsei­soen. Al die spelers geniet en glo in wat ons doen.”

Die Pukke-vleuel Dane Johnson was verlede jaar vir die Ikeys ’n uitblinker en het die Westelike Provinsie in die Vodacombeker-reeks verteenwoordig. Hy sal natuurlik oorgehaal wees om sy beste vir sy nuwe span in die Ikeys se agterplaas te lewer.

Die dag se ander groot wedstryd is tussen Tuks en die Universiteit van Johannesburg (UJ) in die Tukkies-atletieksta­dion. Tuks is onder druk om te wen ná verlede week se nederlaag teen die Pukke en die UJ wil op die regte koers bly nadat hy die Tshwane Universiteit van Tegnologie (TUT) verlede week met 28-14 geklop het.

Die Shimlas (teen die Nelson Mandela Metropolitaanse Universiteit) en Maties (teen TUT) se take is ’n bietjie makliker.

Die spanne is:

• Ikeys t Pukke (Groote Schuur)

Ikeys: Therlow Pietersen, Marcello Sampson, Marcel Brache, Tim Whitehead, Pete Haw, Matt Rosslee, Stu Commins, JJ Gagiano, Yaya Hartzenberg, Nick Fenton-Wells (k), Martin Muller, Don Armand, Grant Kemp, Dayne Jans, Ash Wells. PLAASVERVANGERS: Mark Goosen, Chris Heidberg, Greg Mallett, Levi Odendaal, Nic Groom, Sean van Tonder, Douglas Mallett, Wes Chetty.

Pukke: Theuns Kotze, Dane Johnson, Ruan Jacobs, Wouter Watermeyer, Andrew van Wyk, Niell Jacobs, Andries Mahoney, Thabo Molete, Jaco Lötter, Savvas Nel, Markus Fourie, Dirco Rautenbach, Stephanus Bezuidenhout, Stoffel Duvenage, Dewald Coetzee. PLAASVERVANGERS: BW van Dyk, BG Uys, Francois Robbertse, Siya Mdaka, Cecil Dumond, Wenstley Scott, SP Marais, Johan Coetzee.

Afskoptyd: 16:30.

Skeidsregter: Dilbert November.

• Maties t TUT (Stellenbosch)

Maties: Jurgen Visser, Danie Poolman, Stokkies Hanekom, Dabeon Draghoender, Tythan Adams, Hay­den Groepes, Conrad Hoffman, Tertius Daniller, Jonathan Adendorf, Sam Mabombo, Hugo Kloppers, Andrew Prior, Lourens Adriaanse (k), Matthew Dobson, Johan Roets. PLAASVERVANGERS: Andrew Crausaz, Mike De Neuilly-Rice, Marinus Pretorius, Josh Strauss, Johan Herbst, Stephan van der Merwe, Jonathan Francke, Buhle Mxunuywa.

TUT: Hansie Graaff, Johan Swartz, Jaco Oosthuizen, Lutho Nyeka, Thabo Motau, Jacques Venter, Nico van Zyl, Wikus Botes, Emile Verster (k), Alfred Khoza, Werner Lourens, Johan Steenkamp, Braam van der Merwe, Dean Muir, Jacques van Rooyen. PLAASVERVANGERS: Eugene Cunha, Juan Pike, Dewald van Deventer, Ryno Lopes, Manny Raposo, Felix Godlo, Henk de Ridder, Johann Visser.

Afskoptyd: 19:30.

Skeidsregter: Matt Kemp.

- Die Burger