- Artikelopsies
- Deel
- Kry Die Burger op
Vriende is staatmakers vir biblioteke
deur Anna Louw
2012-01-30 18:52
Marilyn Martin se artikel (DB, 24.01) herinner aan die belangrike rol wat die onderskeie groepe Vriende van Biblioteke in die voortbestaan van die openbare biblioteke van die metropolitaanse Kaapstad speel.
Onder die stad se biblioteekdiens val meer as 100 openbare biblioteke, waarvan 48 formele Vriende-organisasies het wat hulle ondersteun. Hulle help baie deur vrywillige werk, veral in gevalle van personeeltekorte. ’n Opname oor hul bydrae toon dat vrywilligers van Julie 2010 tot Junie 2011 14182 uur aan vrywillige diens bestee en 10 806 items ter waarde van R594526 geskenk het. Geldinsameling bly belangrik, omdat die staat steeds nie die finansiering van openbare biblioteke gereguleer het nie.
Vriende help, komplementeer en versterk die biblioteekdiens, maar kan nooit voltydse, opgeleide personeellede vervang nie.
Anna Louw
Somerset-Wes