- Artikelopsies
- Deel
- Kry Die Burger op
Swak sorg vir ouer mense te algemeen
deur Mary Turok
2012-02-04 03:32
Ongelukkig is die swak toestand van die tehuis wat Trudi in “Bejaardesorg ’n skokkende ervaring” (28.01) beskryf, steeds te algemeen. Dus is dit belangrik dat burgers soos sy vrae stel.
In die Wet op Ouer Mense word voorwaardes gestel vir die registrasie van en toesig oor sulke tehuise. Die norme en standaarde is in die regulasies vervat. Finansiering van dienste is egter ’n reuse-beperking. Staatsubsidies vir armer inwoners in tehuise maak die grootste deel van die beskikbare finansiering uit, maar selfs dít het nie tred met inflasie gehou nie.
Die Wes-Kaapse Forum vir Ouer Mense, saam met ons moederliggaam, maak stemming vir meer aandag aan die regte en welsyn van alle ouer mense.
Mary Turok
Voorsitter: Wes-Kaapse Forum vir Ouer Mense