- Artikelopsies
- Deel
- Kry Die Burger op
Personeel nie net daar om kaartjies te tjap
deur Charlotte Heynes
2012-02-11 05:54
Dit is ’n groot jammerte dat nog waens beskadig is deur ’n brand wat op die een of ander manier ontstaan het op ’n trein met pendelaars aan boord.
Dit is uiters onverantwoordelik van wie ook al vir die brand verantwoordelik was.
Ons het reeds ’n tekort aan treine, en pendelaars word nou dubbel geraak deur iemand wat nie respek vir ander mense se regte het nie.
Wat nog teleurstellender is, is dat dit blyk dat Metrorail-personeellede op die toneel onbeholpe was. Pendelaars moes maar rondval en wonder wat die volgende stap is. Dit kan nie ’n goeie gevoel wees om agter te kom die voertuig waarin jy is, in dié geval nogal ’n trein, is aan die brand nie. Dit is nog meer frustrerend as jy nie hulp aangebied word nie.
Hoe moeilik kan dit wees om te verstaan dat as ’n wa van ’n trein brand, daardie trein nie gou verder gaan beweeg nie?
Dit is uiters swak van Metrorail-personeellede om pendelaars aan hul lot oor te laat. Hulle is gou by om jou uit die trein te sit as jy met ’n verkeerde kaartjie in ’n wa sit; maar as hul hulp benodig word, weet hulle nie wat om te doen nie.
Charlotte Heynes
United Commuters’ Voice