- Artikelopsies
- Deel
- Kry Die Burger op
‘Nasionale blom’ ontsier teatertuin
deur M.L. Rossouw
2012-01-30 18:52
Ek was die naweek verbaas om te sien hoe verwaarloos en vuil die tuingedeeltes om die Kunstekaap-teater is. Elke tuinhoekie se plante is erg verwaarloos, en die areas is besaai met papier, plastiek, bottels en ander rommel. Stukke plastiek hang tot in die bome. Dit lyk of die rommel maande laas opgeruim is.
Baie moeite is sekerlik gedoen met die skep van die tuinhoekies, elk met ’n tuinbank en ’n tafeltjie. Is dit dan so moeilik om dié ontspanningsruimtes in stand te hou?
Die Suidoosterfees is om die draai. Ons wil graag ons besoekers ’n skoon omgewing by die teater bied waar hulle Kaapstad se gasvryheid kan geniet.
Komaan, stadsraad, die vuil tuine doen afbreuk aan ons pragtige Kunstekaap-teater.
M.L. Rossouw
De Tyger