- Artikelopsies
- Deel
- Kry Die Burger op
Kunstenaars kan nie infrastruktuur skep
deur Ben du Plessis
2012-01-30 05:06
In antwoord op die brief van Carel Greyling van Kuilsrivier (DB, 28.01): Suid-Afrika soek naarstig wetenskaplike groei.
Hiervoor het ons ingenieurs, tegnici, medici, landbouers, ensovoorts, broodnodig. Sonder wiskunde kan hierdie funksies nie verrig word nie en sal groei stadig stagneer en tot stilstand kom.
Die land beskik oor genoeg uitstekende kunstenaars (ook nie almal nie), skrywers, joernaliste, historici, letterkundiges, ensovoorts, en hul bydrae tot die land se voortbestaan word geensins gering geskat nie.
Maar wat die land nou nodiger het, is wiskundige geletterdheid.
Die verbetering en ontwikkeling van Suid-Afrika se infrastruktuur met betrekking tot vervoer, behuising, landbou, mediese sorg, hulpbronne, ensovoorts, sal slegs dan die aandag kan geniet wat so nodig is.
Ben du PlessisSomerset-Wes