- Artikelopsies
- Deel
- Kry Die Burger op
Kondome ’n plan vir nuwe kiesers?
deur Hennie Pienaar
2012-02-01 03:57
In Amanda Gouws se rubriek “Vroetelpa’s en broekiepreneurs” (DB, 30.01) word verwys na die ANC-eeufeesviering waar die sogenaamde broekiepreneurs onder politici en veral ANC-jeugligaleiers uitgehang het.
My vraag is: Hoe het dit gebeur dat kondome wat poreus is en na bewering bars tydens die eeufeesvieringe beskikbaar gestel is? Daar was voorheen ’n geval waar die regering kondome versprei het wat met krammetjies vasgeheg was.
Is dit maar net weer ’n kader wat die tender vir dié “poreuse kondome” gekry het, of is dit die ANC se plan om seker te maak daar is oor 18 jaar van nou af nuwe kiesers? Dink net hoe goed dit op plakkate kan lyk: “Gebore tydens die ANC se eeufeesviering in Bloemfontein.”
Hennie Pienaar
Bellville