Pro-verskeidenheid
Ek was verlig toe die stelsel van afsonderlike ontwikkeling beëindig is. Ek verstaan egter nie waarom F.W. de Klerk nou oor sy onlangse uitlatings oor afsonderlike ontwikkeling gekruisig word nie.
Philip van der Merwe
Aan die bobbejaan-generaal van Bettysbaai: Nou is dit oorlog; nou is ek klaar met speletjies!
Johann Baard
Met die lees van Hermann Giliomee se skrywe “Tuislandbeleid nie eties regverdigbaar” moet ek reageer op die drogredenasie wat die sogenaamde reg op selfbeskikking probeer goedpraat met verwysing na velkleur as die maatstaf vir groepsbelang.
Manny de Freitas
Veel is gesê oor Jessica dos Santos en Tshidi Thamana, die modelle wat onthul het hul uiterlike skoonheid word nie innerlik weerspieël nie. Hul uitlatings strook nie met die visie van versoening en herstel van die meeste Suid-Afrikaners nie.
Daantjie Maartens
’n Herhaling van die Seli1-ramp is onwaarskynlik met die vistreiler Eihatsu Maru, wat in die branders by Clifton gestrand lê.
Wouter
Kan iemand asseblief vir die Stormers leer hoe om drieë te druk?
Dr. Jean du Plessis
Suid-Afrika presteer al dekades lank uitstekend in internasionale koorkompetisies.
Dan Badenhorst
Wees jouself, sê ek vir iemand, maar hy kon nie, want hy was niemand. Hoe minder jy in jou hart gaan soek na wie jy is, hoe meer sal jy staatmaak op simbole buite jouself om jou identiteit te vestig.
Marlene Claassens
Maureen Joubert, jy slaan die spyker op sy kop aangaande die Bulls se pienk rugbydrag (DB, 07.05). Eerstens dra hulle dit om ’n goeie saak te ondersteun. Tweedens bewys dit met hul selfbeeld skort niks. Mooi so, Bulls.
Met verwysing na die berig oor die pasiënt wie se dialise opgeskort is oor sy gedrag (DB, 08.05): Bravo aan prof. Charles Swanepoel vir sy ondersteuning van sy personeel en die beskerming van sy ander pasiënte.
Annabelle Kotze
Die seuns wat glo verantwoordelik was vir die beweerde verkragting op ’n rugbykamp (DB, 10.05), is net so skuldig soos byvoorbeeld die Waterkloof-4.