Detail oor SA se reuse-vonds gou bekend

Prof. Francis Thackeray van die Universiteit van die Witwatersrand het gesê die groot paleo-antropologiese vonds waaroor Die Burger enkele weke gelede berig het, maar waarvan die besonderhede nog nie bekend gemaak kan word nie omdat dit nog nie deur ’n portuur-evaluasieproses is nie, sal oor sowat twee maande aangekondig word.

Dit sal in die vakjoernaal Science verskyn en sal lei tot die totstandkoming van ’n nuwe filogenetiese stamboom.

Dit beteken dat handboeke oor menslike evolusie en hominied-voorsate verander sal moet word.