Dubbele moord by Kaapse "smokkelhuis"
2009-11-23 09:03
- Artikelopsies
- Deel
- Kry Die Burger op
Twee vrouens is gisteraand in Grassy Park doodgeskiet.
Volgens ‘n polisieverklaring is die polisie ongeveer half tien die aand na ‘n huis in Lotus Rivier ontbied nadat ‘n wit Ford Bantam verby die huis gery en skote afgevuur het.
Beide slagoffers is noodlottig in die kop gewond en is in die ingang van die huis gevind. Dit is nog nie bekend hoeveel persone in die bakkie was nie.
Polisie het 13 leê patroondoppies op die toneel gevind. Volgens die verklaring is die huis ‘n bekende dwelm-smokkelhuis.
Die oorledenes is 22-jaar-oue Heidi Baarde en 32-jaar-oue Jessica Amos, beide van Lotus Rivier.
Enigiemand met inligting moet asb. Speurder Van Niel by 082 567 4835 skakel.